Khmer Cuisines: 2014

Thursday, April 17, 2014

ស៊ុបក្តាមសមុទ្រ

*គ្រឿងផ្សំ

ម្ស៉ៅស៊ុបពងមាន់លាយជាមួយសារាយ ២ កញ្ចប់, ហាន់មើមការ៉ុតតូចៗកន្លះចានចង្កឹះ, ផ្សិតក្រអូបស្រស់ (ហាន់ជាចំណិតតាមទទឹងផ្កា) កន្លះចានចង្កឹះ, ហាន់តៅហ៊ូទន់ជាដុំតូចៗ ១ ចានចង្កឹះ, សាច់ក្តាមស្ងោរឆ្អិន ១ ចានចង្កឹះ, ច្រៀកដើមខ្ទឹមជាច ម្រៀកតូចៗ ២ ស្លាបព្រា, ម្ស៉ៅពោតលាយទឹក ១ ស្លាបព្រាបាយ, ម្រេចម៉ដ្ឋបន្តិចបន្តួច, ជីវ៉ាន់ស៊ុយសម្រាប់រោយមុខលើ។

*វិធីធ្វើ

១-ដាំទឹកឲ្យពុះ បង់ម្ស៉ៅស៊ុបពងមាន់លាយសារាយ បន្ទាប់មកដាក់បញ្ចូលមើមការ៉ុត, ផ្សិតក្រអូបស្រស់, តៅហ៊ូ និង សាច់ក្តាម ហើយរង់ចាំរហូតដល់ទឹកពុះ ទើបដាក់ម្ស៉ៅពោតលាយទឹកកូរឲ្យរលាយចូលគ្នាឲ្យសព្វល្អ រោយចម្រៀកដើមខ្ទឹម បិទភ្លើងរួចលើកចុះ។

២-ដួសស៊ុបដាក់ចាន រោយម្រេចម៉ដ្ឋ តុបតែងមុខលើដោយជីវ៉ាន់ស៊ុយ បន្តិចបន្តួច ទុកជាការស្រេច៕

Posted By: Unknown on Thursday, April 17, 2014

*គ្រឿងផ្សំ

-ខ្ទឹមបារាំងកាត់ជាដុំៗ ១០០ក្រាម ខ្ទឹមសកាត់ជា២ ១០០ក្រាម ម្ទេសហាវ៉ៃ កាត់ជាដុំៗ
១០០ក្រាម ម្នាស់កាត់ជាដុំៗ ១០០ក្រាម ស្នៀតពោតកាត់ជាដុំៗ ១០០ក្រាម ការ៉ុតហាន់
ជាចំណិត ១០០ក្រាម
-ផ្កាខាត់ណា បៃតងកាត់ជាដុំៗ ១០០ក្រាម បន្លែអាចជ្រើសរើសតាមចំណង់ចំណូលចិត្ត

*គ្រឿងផ្សំរសជាតិ

ប្រេងខ្យង ប្រេងឆា

វិធីធ្វើ

យកខ្ទះចាក់ប្រេងឆាឲ្យក្តៅ ដាក់បំពងខ្ទឹមសឲ្យឈ្ងុយ រួចដាក់បន្លែទាំងអស់ដែលស្រុះរួចចូលព្រមគ្នា បន្ទាប់មកដាក់ស្ករសបន្តិច ប្រេងខ្យង ឆារពីបីត្រឡប់ឲ្យឆ្អិនល្មម កុំឲ្យរលួយ
ពេក តុកឲ្យនៅស្រួយបន្តិច ភ្លក់មើលឲ្យល្មមជាការស្រេច។

រូបមន្តបន្ថែម

ខ្ទឹមបារាំង ម្ទេសហាវ៉ៃ ម្នាស់ ស្នៀតពោត ការ៉ុត ផ្កាខាត់ណាបៃតង យកមកស្រុះទឹកក្តៅឲ្យ
ឆ្អិនបន្តិច ដាក់ត្រាំទឹកត្រជាក់ រួចស្រង់ឲ្យស្ងួតទឹកដើម្បីឲ្យបន្លែមើលទៅស្រស់៕

Posted By: Unknown on

1. គ្រឿងផ្សំ

សាច់មាន់កាត់ជាដុំៗ ៤០០ក្រាម, គល់ស្លឹកគ្រៃហាន់ជាបញ្ឆិត ៣ដើម, ស្លឹកក្រូចសើចហាន់ឲ្យល្អិត ៥សន្លឹក, ម្ទេសដៃនាងហាន់ជាបញ្ឆិត ៤-៥គ្រាប់, គល់ខ្ទឹមកាត់ជាកង់ៗ ២ដើម, ខ្ទឹមសពុះជាពីរ ១០០ក្រាម, ស្លឹកម្រះព្រៅ ១០០ក្រាម, សណ្តែកដីបុកកុំឲ្យម៉ត់ពេក ៣០០ក្រាម និងប្រេងឆា។

2. វិធីធ្វើ

មាន់ពន្លះយកឆ្អឹងចេញកាត់ជាដុំៗប៉ុនមេដៃប្រឡាក់គ្រឿង ហើយយកទៅបំពងខ្លាញ់ឲ្យស្រពាប់បន្តិចមុននឹងយកទៅឆា។
យកខ្ទះចាក់ប្រេងឆាឲ្យក្តៅ ដាក់បំពងខ្ទឹមសឲ្យឈ្ងុយ ហើយឆាគល់ស្លឹកគ្រៃ សណ្តែកដី ក្រួចសើច ម្ទេស ទើបចាក់សាច់មាន់ចូល បង់គ្រឿង ឆាត្រឡប់ចុះត្រឡប់ឡើង ឲ្យស្ងួតទើបដាក់ស្លឹកម្រះព្រៅ គល់ខ្ទឹមចូលជាការស្រេច៕

Posted By: Unknown on

គ្រឿងផ្សំ :

ត្រីរ៉ស់ ឬ ត្រីឆ្តោរ ដូង សណ្តែកដី ស្លឹកគ្រៃ រមៀត ខ្ជាយ ស្លឹកក្រូចសើច
ប្រហុក នំបញ្ចុក ១ ឬ២ គីឡូ (តាមសមាជិកគ្រួសារ)

គ្រឿងផ្សំរសជាតិ :

ម្ស៉ៅស៊ុប ឬប៊ីចេង អំបិល ស្ករ

បន្លែមានដូចជា:

ព្រលឹត ត្រសក់ ត្រយូងចេក ផ្កាស្នោ សណ្តែកបណ្តុះ ជីរគ្រប់មុខ

របៀបធ្វើ :
- សណ្តែកដីត្រូវបុកឲ្យម៉ដ្ឋ
- ត្រីដាក់ស្ងោរឲ្យឆ្អិន ស្រង់ចេញបេះយកសាច់ទុកមួយអន្លើ
- ដូងពូតយកខ្ទិះ មានក្បាលខ្ទិះ និងចុងខ្ទិះ ស្លឹកគ្រៃ រមៀត ខ្ជាយ និងសាច់ត្រីបុកចូល
គ្នាឲ្យម៉ដ្ឋ
- បន្ទាប់មកយកទឹកស្ងោរត្រីដាំឲ្យពុះ ជ្រុំប្រហុក ចាក់ទឹកចុងខ្ទិះចូលបន្ថែមឲ្យល្មមនឹង
សាច់ត្រីដែលបុកម៉ដ្ឋ បង់អំបិល ស្ករ ប៊ីចេង ជ្រុំសាច់ត្រីបុកម៉ដ្ឋចូល ទុកឲ្យពុះ ភ្លក់មើល
ឲ្យល្មម សាប ប្រៃ ដាក់សណ្តែកដី ស្លឹកក្រូចសើច និងខ្ទីះដើម ជាការស្រេច៕
(សម្លនំបញ្ចុកនេះ អ្នកអាចដាក់ខ្ទិះក៏បានមិនដាក់ក៏បាន តាមចំណងចំណូលចិត្ត)

Posted By: Unknown on

គ្រឿងផ្សំ :

ត្រីគ្រំ ឬ ត្រីឆ្តោ ត្រីព្រួល ត្រីឆ្តោក ។ល។
ជីរគ្រប់មុខ សាលាដ ត្រសក់ សណ្តែកបណ្តុះ ស្ពៃក្រញាញ់ក្តោប
គល់ស្លឹកគ្រៃ អម្ពិលទុំ ទឹកត្រី ស្ករត្នោត ម្សៅឆា ម្សៅស៊ុប ខ្ទឹមស ខ្ទឹមក្រហម ។

របៀបធ្វើ :

- បើត្រីដែលមានស្រកាទន់ មិនចាំបាច់ធ្វើស្រកាចោលទេ ដោយលាងសំអាតជាមួយអំបិលឲ្យបានជ្រះល្អ។

- ចំណែកបន្លែមានជីរគ្រប់មុខ សាលាដ ត្រសក់ សណ្តែកបណ្តុះ ស្ពៃក្រញាញ់ក្តោប បេះរូចលាងឲ្យបានច្រើនដង បើមានថ្នាំសម្លាប់សត្វល្អិតសំម្រាប់លាងបន្លែជាការប្រពៃ ព្រោះបន្លែទាំងនេះយើងញ៉ាំដោយពុំបានចម្អិនទេ។

- គល់ស្លឹកគ្រៃលាងសំអាតរួចដំឲ្យទក់

- ខ្ទឹមសបកសំបកចិញ្ជ្រាំ

- ខ្ទឹមក្រហមបកសំបកហើយ ហាន់ជាចំណិតៗ

- អំពិលទុំដាក់ត្រាំទឹកដើម្បីឲ្យចេញជាតិជូរ

របៀបចម្អិន :

- យើងយកត្រីដែលលាងស្អាតហើយ មកប្រឡាក់អំបិល និងម្សៅស៊ុបលាបឲ្យសព្វក្នុងពោះត្រី និងខាងក្រៅ យករសជាតិប្រៃតិចៗ រួចដាក់គល់ស្លឹកគ្រៃពីរចូលក្នុងពោះត្រី និងបន្សល់ទុកខ្លះទ្រាប់បាត របួល (ឆ្នាំងចំហុយ) ទើបដាក់ត្រីពីលើកុំភ្លេចចាក់ទឺកចូលក្នុងរបួលផង។ពេលនេះយើងអាចចំហុយត្រីបានហើយ រហូតដល់ត្រីឆ្អិនល្អជាការស្រេច។

របៀបធ្វើទឹកត្រីអម្ពិលទុំ :

- ទឹកអម្ពិលទុំមិនបាច់យកកាកចេញទេ ដាក់ស្ករត្នោត ម្សៅស៊ុប ទឹកត្រី ភ្លក្សឲ្យល្មមតាមចំណូលចិត្តរបស់យើង ទើបបង់ម្សៅឆាបន្តិច បន្ទាប់មកដាំឆ្នាំងខ្ទះឲ្យក្តៅល្មមចាក់ប្រេងឆា បំពងខ្ទឹមសឲ្យឈ្ងុយ ទើបចាក់ទឺកត្រឹអំពិលចូលទុកឲ្យពុះ ចុងក្រោយដាក់ខ្ទឹមក្រហមជាការស្រេច។

ចំណាំ :

- បើបន្លែមានបន្ថែមផ្កាស្តៅ ទឺកត្រីត្រូវបន្ថែមសាច់ជ្រូកបីជាន់ចិញ្ច្រាំ ការចម្អិន ឆារំលីងសាច់ចិញ្ច្រាំជាមួយខ្ទឹមសឲ្យឈ្ងុយចេញខ្លាញ់បន្តិច ទើបចាក់ទឹកត្រីនិងចម្អិន ដូចបានរៀបរាប់ខាងលើ ៕

Posted By: Unknown on

គ្រឿងផ្សំ :

ក្បាលជ្រូក និងគ្រឿងក្នុង សាលាដ ត្រសក់ សណ្តែកបណ្តុះ ជីរគ្រប់មុខ ជីរវ៉ាន់ស៊ុយ ខ្ទឹមស ខ្ទឹមក្រហម រំដេង ក្រូចឆ្មារ សណ្តែកដី ស្ករស ម្សៅស៊ុប ទឹកត្រី។

របៀបធ្វើ :

ក្បាលជ្រូក និងគ្រឿងក្នុង ត្រូវលាងសម្អាតឲ្យបានស្អាត
សាលាដ ត្រសក់ សណ្តែកបណ្តុះ ជីរគ្រប់មុខ បេះលាងឲ្យស្អាត។
ជីវ៉ាន់ស៊ុយ កាត់យកឫស និងដើមប្រវែងពីរថ្នាំងដៃ លាងឲ្យស្អាត។
ខ្ទឹមស ខ្ទឹមក្រហមបកសំបក។
រំដេងដុតរួចហើយចិតសំបក។
សណ្តែកដីលីងឲ្យឆ្អិនឡើងឈ្ងុយ។
ក្រូចឆ្មារចិតសំបកពុះយកគ្រាប់ចេញ ច្របាច់យកទឹកទុក។

របៀបធ្វើទឹកត្រី :

រំដេងដុតចិតមួយចំណិត ឫសដើមជីវ៉ាន់ស៊ុយ និងសណ្តែកដីបុកបញ្ចូលគ្នាឲ្យម៉ដ្ឋ ទើបដាក់ខ្ទឹមស ខ្ទឹមក្រហមបុកបន្ថែមទៀតលុះម៉ដ្ឋហើយ យើងចាក់ទឹកត្រី ទឹកឆ្អិន ស្ករស ម្សៅស៊ុប និងក្រូចឆ្មារលាយភ្លក្សឲ្យមានរសជាតិល្មមតាមចំណូលចិត្តដែលចង់បានស្រេច។

វិធីចម្អិន :

ក្បាលជ្រូកនិងគ្រឿងក្នុង ក្រោយលាងសម្អាតហើយយកទៅស្ងោរ រហូតឆ្អិនផុយល្មម សូមកុំភ្លេចដាក់អំបិលបន្តិចផង៕

Posted By: Unknown on